مصطلحات نجديه

جبتلكم كلام اول مره اسمهة<<<< مو كله بعضه اعرفه
هاذي المصطلحات يستخدمونها شباب المنطقه الوسطى
اقرو واضحكو على الكلام الغريب:


**الدلخ : وهذاا إنسان غبي جداااا.ويرفع الضغط ....وينرفز

**المنسم : كل ما مريت عليه تسمع صوت اسسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

**المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

**السلنتح : قليل الأدب

**جحلط ( بتشديد اللام ) : وهم مرحلة متقدمة للسلنتح

**مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

**الستيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

**المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

**الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه

**الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة

**العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالتهاب المراره يعلك لين تنفقع ......

**العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس زبيريه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة أطلقها عليهم أحد الخكاريه...

**المرجوج : هو اللذي ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة:
**المسبة أو المسبوة حيث يكون الارتجاج هنا نتيجة صدمة و ليس نتيجة روعة .

**المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....
**الملكع : أما هذا فيعرف حتى السكن ( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

**المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

**المفلت : هو كل شخص ما تقدر أنك تأمنه على شيء و يتميز بكل أنواع الإهمال و التطنيش....

**الخكري : ببساطة الخكري = نعومه + دلع + ليونة والله لايبلانا...

**اللزقه: هذا الشخص اللي على طول معك وقدامك ووراك واذ طلعت مع الباب تلقاه ,تركب في السياره تلقاه يطق القزازه وهاكذا.

**الصديع : اي كلمه في راسه يطلعها ولا يتنباء بأفعاله سواء كانت صح ام خطا .

**المريوح: هذا اللي نفسه شينه
الزااااااحف..إنسان آخذها عرض مبسوط ويبسط من حوله سريع البديهه ولايفوته شئ..

الطبله..باااااااااارد من كثرة الغباء..

الأرفل..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها..

الرجه..مصرقع مايجي بمكان الا ويرجه بصوته على غير سنع..

المهفه او المخفه..هذا كلمه توديه وكلمه تجيبه..

اللوح..يعاند على غير سنع..

الشراره..هذا مايجي بمكان الا والمصايب وراه يتسبب على من حوله بالقرادات..

المقرود..كل شئ متسلط ضده يعني مقرود حظ

الصل..هذا صاحب اللون الأسود بس مو اي اسود ..اسود أسود صح..

الداج.. داج وش معناها يعني صايع والله يخلف..

التنكه..هذا اللي يقرقع بس تلقاه يلجلج ولاوصلت الامور أجلد..

القفل..هذا اللي مافيه امل يفهم لو تقعد تشرح له من هنا للسنه الجايه

الفدغ أو الافدغ ....من يحاول يستخف دمه ويبيك تضحك غصباً عنك

واذا ما ضحكت من بلاهته يضحك هو الين تحس ان الشي اللي سواه من جد يضحك وفي الاخر راح تضحك انت من فداغته؟؟؟

سِـقها = بمعنى اسكت ممكن اللي يقولك سقها ترد عليه وتقوله الفقها

جاك العلم = يعني ضف وجهك

ارسمها = يعني فقاش بمعنى ارسم كذبتك

يلعن ابو الفلة = معناها وناااسة

ارسل واكبس = اثنين يفقشون على واحد واحد يرسل الفقه وواحد يكبسها
(((عشان يخلون اللي قدامهم يصدق)))

انحش = كلمة تقال عند سماع شلخة او كذبة

روّس = كما هو بالمرواس اي يعني اكبس كذبتي يعني (سايرني في الكذب)

هههههههههه

تضحك

يسلموووو

تحياااااااااااااااتي

شكرا ع المو ضوع وأتقبلي مروري

لوووووووول
من جد كلمات غريـــــــبة مدري كيف ينطقوها.....ههههه
مرســــــــــــي لمــــ وو عالموضوع الروووووووعة

هههههههه
ثانكس