*إهداء لكل طفشان حس بنفس الإحساس*
طفشــت انـــا مـن التكــرار ... ابغــى شـي ماقـــد صـــــــار
فـكـــــرت أروح جــافــــــــا ... لـقـيتـها خـــلاص سخـافــــــة
قلـت ممكـن على فيرتيغــــوا ... بـس شويـــــة وحـفـتـقــــــــوا
الكراسـي صـارت حــــارة ! ... دايــمـــــاً عليــــهـا مــــــــارة
ومــن ارومــــا طـفـشــــت ... كــــأنـي هـنــــــاكََ عـشـــــت
حتـى لوست سيتي برضــــوا ... حفظــت طولـــوا من عرضـو
مو معقــول اليـــوم يضيـــع ... نفسـي اروح مكـــان فظيييـــع
مني عارفــة ايش صارلـي ... ماابى جيلاتــــو ولا هارلــــي
صـح التحليــة مرة حمــاس ... بــــس والله طفشــت خـــلاص
طفشت أروح على موتشوز ... وزيــــو طبـعاً زي نـانــــــدوز
بفكــــــر أروح بـارنـيــــــز ... ولا أعـــدي على أبـــل بيــــــز
بــس رحتـــــــهم كفايـــــــة ... أبغـــى أغيـــــر الحكايــــــــة
لارويا , دريم شخمطهــــــم ... عن جد خـــلاص محرحلهـــم
وزي جوفريـــــز محلاقـــي ... ودامـاس وماجيـك والباقــــــي
لكن ابغى حماس وجنـــان ... مايكــون عـــدا عليـــا زمـــان
أو الجــــون ... محروحهــم مهــــما يكــــون candle roge
كلـــهم رحتــهم ميـــة مــرة ... نـفسهـــم يطلعـــوني بـــرة!!
أمــــا رانـديفــــــــو فتــــاك ... بـس مزاجـــي مــو هنــــــاك
مافــــي شي يجـــي منــــــو ... وكلـو خـلاص رحنــا عنـــــدو
كـــــدة مــررة ماينفـــــــــــع ... مانــي عـــارفه فين اطلــــع ؟
قلــت تـــوارن ولا تشـيلـــيز ... ولا أي شـي مايكــون غــلـــز
ولا بــابــــلــز بـــس يلـــــلا ... لكــن منــو طفشـــت واللـــــه
فـكـرت فـي ريفيـــرا كتـــير ... بـس برضــــوا مــو تغييــــــر
وهـافـانــــا انــا هــريتــــــها ... كأنــي خــلاص أشــتـريتـــــها
حتـــى سنــســــز قـَـرفنــــي ... كـــل اللــي هنـــاك عرفــنـــي
وستــــاربكــس ارتحـــلـتـوا ... بــس مالـي نفـــس اروحـلــــوا
يانــاس أبى مكــان جديــــــد ... مايكــــون إقق ولا تـقليـــــــد
بس.. بطلـت من الكافيهــات ... قلــت البحــــر لـو حكايــــات!
شكــلـهــا زي كـــل مـــــرة ... محـــــروح غيــــــر الــــــدرة
ماأبى أروح الكــريستـــــال ... وطفشــــت مرة من الرمـــــال
مرجان, كورال ولا الهـــدى ... نو واي أرحلهـــم بعـد كــــده
ارض السعـــادة ولا شمـــس ... كلهــــم كنــت فيــهـــا أمــــــس
طفشــت حتى مــن النخيـــل ... اروحلـــوا تانـــي مستحيــــــل
رحت القمر ورحت الغوص ... ولـــو أعـــدد راح أحــــوس !!
ترى عـن جد ماأبغى أكــرر ... انــا اليــــوم لازم أغـيــــــــــر
ماأبغـــى كـالعــادة دي جـي ... لأنــي حغـيـــر فـيلــوا إيـــه؟!
طيب شوبينغ بأي مـول ... بـــس واللــــــه مــو معـقـــول
التحليـة سنتـر او الريــد سي ... نفـــس الخلـــق والنــاس فيـــه
فكرت خلاص على الشــلال ... بـس هو برضوا نفــس الحــال
ايس لاند أو صواري لانـد ! ... كمـــان حيكـون يــوم أنعـــاد
قلت خــلاص اشتريلي بســه ... دوبها جاتنــي الفكــرة لســــه
يمكــن افكــر أروح فيـــفـــــا ... بس بساسـها مـرة نحيـــفــــة!
ولا واحـــــــة الحيــــــوان! ... أنــا قرفــت مـن دا المكـــــان
شكلهـا جلســة في البـــيــت ... بس مــــرة مــــو يــاريـــــت
طفشت من قرف التلفزيـون ... ومــن حنحنـــــــات التلفــــون
أحسن ادخــل عالمـاسنجـــر ... لكـــن مررة يطفـــش أكتــــــر
طيب دانس عالأغانـــــي ... لأ الفكـــــرة مـي عـاجبانــــي
قـلـــت أكتبـــلي قصيـــــــدة ... يمكـن أعمـل حاجـة جديــدة
بـس..! جاتنـي أحلـى فكــرة ... انــا حنـام واستـنـــى بكــــرة
يلـلا بكـــرة ربنــا يحلهــــــا ... يمكــن لما أصحــى أفـلهــــا
ابغا رأيكم لو سمحتو في القصيدة
والله البنت مسكينة تحزن
الأربعاء يونيو 04, 2008 3:58 am
